ឈ្មោះទូទៅជាភាសាខ្មែរ: កន្ទ្រាំងបាយស
ឈ្មោះទូទៅជាភាសាអង់គ្លេស: Wireweed
ឈ្មោះវិទ្យាសាស្ត្រ: Sida acuta
ការពិពណ៌នា
របាយ: មានដុះនៅក្នុងល័ក្ខខ័ណ្ឌដីខ្សាច់ស្ងួត រាយប៉ាយក្នុងចម្ការដំណាំ ដងផ្លូវដីទំនេរ និងវាលស្មៅ ។
ការពិពណ៌នា និងលក្ខណៈជីវសាស្ត្រ: ចុល្លព្រឹក្ស ឬតិណទេសឯកវត្ស ។ ដើម តូច ឈរត្រង់ បែកមែកច្រើន កម្ពស់ ៣០-១០០សង់ទីម៉ែត្រ មានឫសកែវរឹងមាំ ។ ផ្លែគ្មានសាច់ ខ័ណ្ឌជាច្រើនឡត ដែលឡតនីមួយៗមានគ្រាប់មួយ ។ គ្រាប់មានកន្ទុយអាចតោងស្និតជាប់ដងខ្លួនសត្វ និងសម្លៀកបំពាក់របស់មនុស្ស ដែលជួយធ្វើឲ្យរីកសាយភាយពូជ ។ បន្តពូជធ្វើឡើងដោយគ្រាប់ ។
សារៈសំខាន់ក្នុងកសិកម្ម: ដុះប្រជែងខ្លាំង ។ លូតលាស់ល្អលើដីច្រើនប្រភេទ រួមទាំងដីឥដ្ឋ ។ អាចធន់នឹងកន្លែងសើម និងតំបន់ស្ងួត ។ បើមិនភ្ជួររាស់ ឬប្រើថ្នាំសម្លាប់គឺពិបាកក្នុងការគ្រប់គ្រងណាស់ ដោយសារដើមមានសរសៃស្វិត និងឫសកែវរឹងមាំ ។ ភ្ជួររាស់បន្តបន្ទាប់គ្នាអាចសម្លាប់បាន តែឫសកែវចាក់ជ្រៅធ្វើឲ្យពិបាកក្នុងការរៀបចំដី ។ សត្វមិនចូលចិត្តស៊ីទេ ។
Chouk Khmer 